Куркчи Мерьем

Эбедий яшайджакъ инсан

(Языджы ве шаир Юнус Къандымгъа багъышлап)

«Мен пек чокъ шей истемедим дюньядан,Олса-олса бир къуш олмакъ истедим.Бир пытачыкъ устьчигинде отурып да,Тоя-тоя тюркю айтмакъ истедим».

Ю.Къандым- белли къырымтатар шаири, публицист, терджиман, Украина языджылары, журналистлери, миллий бирликлернинъ азасы эди. 2000 сенеси август айында «Украинада нам къазангъан эрбабы» унваннына наиль олды. 

1959 сенеси сентябрь 4-де, Озьбекистанда Ташкент областининъ Аккурган районынынъ Аккурган коюнде догъды.

Юнус Къандым, кой мектебини битирген сонъ, 1976 сенеси Низамий адына Ташкент девлет педагогика институнынъ къырымтатар тили ве эдебияты болюгине окъумагъа кире ве 1981 сенеси онъы битире. 

Та институтта окъугъанда Юнус Къандым «Ленин байрагъы» газетасында чалышып башлады. Бу газетада бир сыра макъалелер ве шиирлерни бастырды. 

Бу шиирни озь догъмуш Зоре
къардашына 1982 сенеси ёллады

 Арбий хызметини Днепропетровск виляетининъ «Желтые воды» шеэринде кечирди.

   

XX асырнынъ сонъунда- XXI асырнынъ башында къырымтатар эдебиятына эмиет бериле. Бу вакъытлары халкъымыз энди озь Ватанында яшап, иджат эте. Ю.Къандым тердикъатлар, шиирлер ве икяелер язып, терджимелер этип, къырымтатар эдебиятыны дюньявий эдебиятта юксек севиеге котермеге тырыша.

Шаир озь Ватанына сынъырсыз севги бильдиргенде, о омюрини ве олюмини Къара денъизнен тенъештире.

«Селям санъа, Къара денъиз»
Бугунь санъа дуа этем,
Узюльмесин несилим,
Меним омюрим, ве олюмим.

Сенсинъ,Къара Денъизим!

Юнус Къандымнынъ къалеминден чыкъкъан, Ватангъа багъышлангъан шиирлери чокътыр. Онынъ эсерлерининъ эсас лирик сымасы - бу Юнус Къандым озюдир, чюнки о озь эмоцияларыны, дуйгъуларыны, тюшюнджелерини юрегинден чыкъарып, сатырларда инджи киби тизди.

2001 сенеси- Юнус Къандым, мектеп талебелернинъ иджадына багъышлангъан «Къырым- меним Ватаным» адлы ярышны мейдангъа кетирди.
Ю.Къандым 1989 сенесинден СССР, 1993 сенесинден Украина журналистлер бирликлернинъ азасы эди.

2000 сенеси август айында «Украинада нам къазангъан эрбабы» унваннына наиль олды.

Юнус Къандым 2005 сенеси март 20 вефат этти ве Акъмесджитте «Абдал» къъабристанында дефн этильди.

Иншалла

Узун ёлынынъ сонъунда чыракъ яна, иншалла,Къызылчыкълар, ювезлер эп Аллана, иншалла.Ай-Петринен Роман-къош "Хоран" тепе, иншалла,Ана топракъ къувана эвлядына, иншалла.Халкъым!Огъул ве къызынъ арта берсин, иншалла,Озенлеринъ къурумай, акъа берсин, иншалла.
Йырларыма къанат бер, къуш олурым, иншалла,
Аю-дагънен Чатырдагъ оюн тёшер, иншалла.
Мавы байракъ тикленди, тикленеджек, иншалла,
Къырым бизим оладжакъ, Къырым бизим, иншалла!