Исмаилова Нияра

 Къартдедем  Улу Ватан Дженкининъ иштиракчиси

Къартдедем Асан Ислямов —1921 сенеси майыс 10-да Къырымнынъ Багъчасарай районынынъ Дуванкой коюнде, Мамутов Ислямнынъ ве Азаматова Сайденинъ къорантасында догъды.

16 яшында Асан къартдедем кой мектебини битирген сонъ, Акъмесджиттеки «Дом крестьянина» деген окъув юртунда - берберликке окъуды.

1940 сенеси декабрь 9-да, 18 яшында, къартдедем арбий хызметке чагъырыла. 1941 сенеси дженк башлангъанынен джебеде иштирак эте.

26 сентябрь 1942 сенеси

Калининград виляети 

Холмский район Смехнова коюнде

1941 сенеси июнь 27-де, чешит джебелерде Ватан сербестлиги огърунда иштирак эте.

1942 сенеси сержант унванына наиль ола. 1944 сенеси март 30-да, Калининград шеэри якъынларында яралана. Арбий госпитальде ярасыны багълап, кене джебеге къайта.

Къартдедем джебеден халкъымыз сюргюн этильген Озьбекистангъа келип, зорлукъларнен къорантасыны тапып, якъынларына тувгъанларына къавуша.

8 майыс 1993 сенеси Винницкое мектебинде
Улу Ватан дженкининъ иштиракчилеринен бирликте

Омюрнинъ сонъки беш йылыны, къартдедем севимли Къырымда кечирди. 1994 сенеси апрель 21-де Акъмесджит район Винницкое коюнде вефат этти.