Абдураимова
Ребия
Эр бир къырымтатар аилесининъ
башындан сюргюнлик фаджиасы келип-кечкендир. Лякин бунъа бакъмадан, бизим
халкъымыз арасында несильден-несильге кечкен эшьялар бар. Бу - къартбаба ве
къартаналарымыздан къалгъан дегерли мирасымыз.
Бизим аилемизде де бир къач дегерли шейлер
бар. Бу эм Къуран, эм гугюм, эм де джезвелер. Оларнынъ арасында исе дегерли
мектюп бар. Даа догърусы, дегерли инсанннынъ язгъан мектюби.
Бу мектюпни 1997 сенеси меним анама, Зарема
Абдураимовагъа, Лейла ханым Медиева язды. Лейла ханым, белли къырымтатар
эрбабы, сиясетчи ве журналист Абдурешид Медиевнинъ екяне къызыдыр.
Мектюпте
Лейла ханым бабасы акъкъында чокъ шейлер язды. Озю акъкъында Лейла ханым бойле
язды: "Мен 1936 сенеси Къырым Тыббият институтыны битирдим. Эким оларакъ аз
чалыштымбитирдим.Эким оларакъ аз чалыштым. Аспирантурагъа кирдим. Институтта
фармокология кафедрасында чалыштым.
Дженк башлагъан сонъ 1941 сенеси биз
эвакуациягъа огърадыкъ ве Азербайджаннынъ Гянджа (Кировабад)шеэрине ерлештик. 30 йыл Азербайджан Кой
Ходжалы
гъы институтынынъ ветеринария факультетинде, сонъра исе айванларнынъ
физиология ве фармокология кафедрасында доцент оларакъ чалыштым. Кандидатлыкъ
диссертациясыны хорчаладым ве доцент унванына наиль олдым. 1971-джи сенеси
нефакъагъа чыкътым".
Анамнынъ балалыкъ хатырлавларындан, шуны анъламакъ
мумкюн ки, Лейла ханым Ватанпервер ве зиялы инсан, юксек тасиль саиби, бильгили
эким эди. Онынъ бир огълу ве эки огълан торуны бар. Лейла ханым 2000-джи сенеси
вефат этти ве Азербайджанда Гянджа шеэринде дефн этильди.
Комментариев нет:
Отправить комментарий