Куртаметова Эвелина

Коюмизнинъ эски ады Табулды

 Меним адым Эвелина. Мен 11 сыныфта окъуйым. Мен Акъмечеть (Черномор) районнынъ Медведево деген коюнде яшайм. Табулды – бизим коюмизни эски ады. Коюмиз балабан. Бизим койде пек чокъ миллет яшай.

Табулды деген сез къыйметли бир шейни тапылгъаныны анълата. Акъкъикъаттен, бизим коюмиз – бу пек балабан бир тапылма бизим юртымызгъа.

Бизим коюмиз балабан ве дюльбер. Онынъ бир тарафы - къулан чель, башкъа тарафы исе - Къара денъиз. Бу пек дюльбер ве аджайып ер. Мен пек бегенем бу ерни.
Эр адам, оськенине къадар, ким экенини, къайдан кельгенини, тамырлары насыл деп, ойламагъа башлай. Мен де бунен меракъланам.

Коюмиз акъкъында бойле эфсане бар. Эвельде Акъмечеть (Черноморское) районында пек чокъ койлер бар экен. Анда чешит тюрлю адамлар яшай экен. Эльбет, хырсызлыкъ та ола экен. Кимде ат, къой, эчки, сыгъыр джоюлса – бизим койде тапыла экен. Онынъ ичюн коюмизни Табулды деп адлайлар. Сонъра дженк вакъытында бир советсамолеты тюшкен, учувджынынъ сой ады Медведев эди. Ойле этип коюмизнинъ адыны Медведево къойганлар. Бизим койде пек истидатлы адамлар бар. Олардан бири Мансур агъа. О озь унеринен тарихимизни унутмагъа бермей.

Бизим мектепте тарихий музей бар, анда чокъ суаллерге джевап тапмагъа мумкюн: коюмизде яшагъан адамлар акъкъында, оларнъынъ урф – адетлери акъкъында.



Мектебимизнинъ табелери мектеп ве кой тарихына озь излерини къалдырмагъа истейлер. Онынъ ичюн чешит тедбирде иштиракъ этмеге тырышалар. Меселя, талебелер коюмизнинъ тамгъасыны яраткъанда, озь исесинъ къошмагъа истедилер. Биз коюмизнинъ тарихынен меракъланамыз ве бильмеге тырышамыз, чюнки бу бизим аятымыз. Озь тарихини бильген халкъ - бу буюк халкъ.

Коюмиз акъкъында бойле эфсане бар. Эвельде Акъмечеть (Черноморское) районында пек чокъ койлер бар экен. Анда чешит тюрлю адамлар яшай экен. Эльбет, хырсызлыкъ та ола экен. Кимде ат, къой, эчки, сыгъыр джоюлса – бизим койде тапыла экен. Онынъ ичюн коюмизни Табулды деп адлайлар. Сонъра дженк вакъытында бир советсамолеты тюшкен, учувджынынъ сой ады Медведев эди. Ойле этип коюмизнинъ адыны Медведево къойганлар. Бизим койде пек истидатлы адамлар бар. Олардан бири Мансур агъа. О озь унеринен тарихимизни унутмагъа бермей.
Бизим мектепте тарихий музей бар, анда чокъ суаллерге джевап тапмагъа мумкюн: коюмизде яшагъан адамлар акъкъында, оларнъынъ урф – адетлери акъкъында.



Мектебимизнинъ табелери мектеп ве кой тарихына озь излерини къалдырмагъа истейлер. Онынъ ичюн чешит тедбирде иштиракъ этмеге тырышалар. Меселя, талебелер коюмизнинъ тамгъасыны яраткъанда, озь исесинъ къошмагъа истедилер. Биз коюмизнинъ тарихынен меракъланамыз ве бильмеге тырышамыз, чюнки бу бизим аятымыз. Озь тарихини бильген халкъ - бу буюк халкъ.