Джемилов Джемиль Эмирусеин къартбабамнынъ омюр икяеси

Джемилов Джемиль

Эмирусеин къартбабамнынъ омюрикяеси

Мен, къартбабам Эмирусеин Тохтаровнынъ Улу Ватан Дженки заманындаки къараманлыгъы акъкъында сизлерге икяе этмеге истейим.

Къартбабам Эмирусеин Тохтаров 1 январьде 1912 сенеси Ялта янындаки Айвасиль коюнде догъгъан. О, мектебини битирип Ялтадаки Оджалар окъув юртунында  окъувыны девам эткен. Окъувыны битирген сонъ чокъ йыллар девамында башта Къырымда, сюргюнликтен сонъ исе Орта Асияда рус тили ве эдебияты оджасы оларакъ чалышкъан.

1938 сенеси къарт къартбабам аскерликке чагъырылгъан. Улу Ватан Дженки башлангъанынен исе 1941 сенеси джебеге чагъырылгъан.

Къартбабам 2-нджи Белорус джебесинде иштирак эткен. Таа Рейхстахкъа къадар еткен. Дженк биткен сонъ 1947 сенеси къадар аскерликни девам эткен.

Дженк онынъ бутюн къорантасыны екъ эткен. Сюргюнлюк вакъытында къарт къартбабам дёрт баласыны ве апайыны гъайып эткен.

1948 сенеси бутюн къырымтатар халкъы киби о да, озь аилесини, озь сагълыгъыны, къараманлыгъыны бергенине бакъмадан, залымлыкънен озь Ватанындан сюргюн этильген. Озьбекистанда бир къач сене яшагъан сонъ меним Зибиде къартанамнен таныш олгъан. Къартанам да дженк вакъыты озь акъайыны гъайып эткен. 15 сене ондан ич бир хабер екъ эди. О гъайып олгъан.

Бойлеликнен, Эмирусеин къартбабам ве Зибиде къартанам аие къургъанлар. Оларнынъ къоранталарында эки бала догъгъан – меним битам Фатма ве къарт дайым Мустафа.

Эмирусеин къартбабам меним ичюн бир нумюнедир. О, акъикъий къараман инсан. Мен озь къарт къартбабамнен гъурурланам ве онынъ омюр икяесини озь балаларыма даима айтаджам.