Исмаилова Сание Къартанамнынъ тикиш машинасы

Исмаилова Сание
Къартанамнынъ тикиш машинасы

Меним къартанамнынъ къартанасы Копюрли –коюнде догъды. О, беш огълан арасында бир къыз олып  оськен. Эписинден чокъ Эннан  къардашыны севе  эди. Эннан,  рессам олып,  шиирлер де  язмагъа пек севе экен.

Эннан къарт-къартбабам отузынджы сенелери Акъмесджит шеэринде рессамлар окъув юртунынъ биринджи мудири олгъан.

Бир кунь Эннан къартабабам меним къартанама тикиш машинасыны  багъышлады.

Дженк йыллары къартанам, койлеринде олгъан партизанларгъа гизленмек ичюн , шу машинада  урбалар тике экен.

1944 сенеси18 мыйыс куню, халкъымызнынъ къара куньлери! Мевиде къартанамнынъ омюр аркъадашы ве агъалары дженкте! Гедже эвлерине совет аскерлери кирип, топланмагъа он беш дакъкъа берьген сонъ, къартанам Къоран, къушакъ ве Эннан къартбабамнынъ джебеден кельген мектюплерини алды. Партизанларнынъ командири (къартанам онъа урба тиккен эди)   тикиш машинасыны да алмагъа теклиф эте.

Бутюн къырымтатар халкъыны сюрьгюн эткен сонъ, къартанам ве онынъ эки къызы, Коканд шеэрине тюше. Анда фабрикада чалыша, ве эвде, тикиш машинасында курпачалар тике

Сюргюнлик  йыллары бу тикиш машинасы  къартанама балаларыны осьтюрьмеге  ярдым эте ве ачтан ольмеге бермей.

Мевиде къартанам ве Эннан  къартбабам бу дюньяны  энди терк этти. Амма, оларгъа  олгъан севгимиз ич сёнъмез. Олардан  къалгъан бу  хатыра, аилемизнинъ дегерлиги  -  Ватангъа къайтып кельди ве къач несильге хызмет этип, файда кетире.