Гани Алие
Къартанамнынъ одасында муджизели бир шей бар, оны шимди тюкянларда да сатып аламазсынъ – бу сандыкъ.
Не ичинде бар экен, суалиме, къартанам манъа тылсымлы бакъты ве сандыгъындан дюльбер нагъышларыны чыкъарып, косьтерди. Бу марама, юзьбезлер, масса орьтюси, намазлыкъ, явлыкълар, ястыкъ юзю. Эр бир ишлеме дюльбер орьнеклернен нагъышлангъан.
«Бу меним анам, рахметли, озь алтын къолларынен нагъышлады»,- деди къартанам, козьяшларыны сюртип.
Буюк къартанам сагъ олгъанда, о мени осьтюрди,
насиатлар бере эди, базы бир вакъиаларны хатырлайым. Фоторесимге бакъып, буюк къартанам
акъкъында эр шейни бильмек истедим.
Меним къартанам озь анасы акъкъында манъа икяе этти ве
мен сизлернен де пайлашмагъа истейим.
Меним буюк къартанам, Авуш Мумине Халил - къызы,
1920 сенеси октябрь айында Алушта районнынъ Ускют коюнде чокъ балалы къорантасында
дюньягъа кельди.
Онынъ балалыгъы, яшлыгъы тувгъан коюнде, дюльбер ве аджайип
ерлерде кечти.
Буюген сонъ, мектепте окъуй, тек беш сыныфыны битиргенине
бакъмадан, пек акъыллы ве зийрек къызчыкъ экен.
Балалыкъ чагъында меним къартанам нагъышламагъа севе
эди.
Къартанамнынъ сёзлеринден, эвельде
нагъышламакъ адет эди, несильден-несильге мирас олып кельди.
Мектепни битирген сонъ, Мумине къартанам тютюн
тарлаларында чалышты. Насыл болдырып
кельсе де, энъ севимли ишини,нагъышламакъны, ташламай эди.
Бир йылдан сонъ, оны яхшы чалышкъаны ичюн,
бригадирликке тайинледилер.
Он секиз яшында Мумине къартанам акъайгъа чыкъа.
Адети узьре, озь джиезини азырлагъан эди...
...95 йыл яшап, къыйынчылыкъларгъа бакъмадан, о эр вакъыт башыны ашагъы тюшюрмейип, рухуны джоймайып яшады.Нагъышламакъны озь къызыны, меним Фазиле къартанамны огретти. Озь нагъышларыны балаларына, торунларына, сой-акърабаларына багъышлагъан эди.Белогорск шеэрнинъ музейинде онынъ бир къач ишлемелери бар...
Комментариев нет:
Отправить комментарий