Озь эдждатларынынъ 7 несилини бильген ве эль-эльден кечип кельген аилевий адетлерни сакъламагъа девам эткен базы Авропа улькелерининъ инсанлары, эшьяларгъа нисбетен мунасебети бам-башкъадыр.
Аукционда сатылгъан я да шахсий коллекцияларда сакълангъан эшьяларнынъ тек тарихы дегиль де, весикъасы биле мевджуттыр. Шахсий коллекцияларда ер алгъан экспонатларнен ялынъыз белли бир аиле я да яхут саиби гъурурланмай да, бутюн ульке гъурурланмакътадыр.
Аиле дегерликлери ве эшьяларгъа Бойле бир мунасебет - озь улькесининъ тарихы, онынъ медениетине костерильген ватанперверлик дуйгъусынынъ тимсалидир.
Аслында, биз этрфымыздаки эшьялар акъкъында бильгимиз бар экенми, аджеба?
Мегер, ашханемиздеки бакъыр джезве я да диваргъа асувлы тургъан Къуран къапы, ялынъыз къорантамызнен багълы тарихий вакъиаларнынъ шааты дегиль де, бельки де халкънынъ ве улькенинъ тарихы иле багълы экен.Марама ве фес, килим ве савут-сабаларнынъ тарихыны язып, Вертуаль музей япаракъ, Интернете буларнен эр кеснинъ таныш олмасы ичюн имкян яратмакъ мумкюн."Аиле дегерликлери" ярышы къорантанъыз ичюн къыйметли дегерлик олгъан эр анги бир эшья акъкъында (фоторесим, мектюп, ев эшьясы вес аире) айтып бермек мумкюн оладжагъыны козьде тута. Къартана-къартбабаларнынъ севимли тюркюси, къорантанынъ тарихы биле несильден-несильге кечкен дегерлик ола биле.
З. Хайрединова
Конкурсынынъ низамнамеси
Макъсат ве вазифелери:
- яш несильде ватанперверлик ве аньанелерге урьмет дуйгъуларыны ашламакъ;
- Къырымнынъ тарихы ве медениетине нисбетен меракъ уяндырмакъ;
- иджадий лабораториялар ве уста сыныфлар вастасынен теджрибелернен пайлашмакъ;
- балалар ве осьмюрлернинъ дизайнер иджадынынъ инкишафына къолтутмакъ.
Конкурснынь программасы
- учь тильде чыкъкъан "Балалар дюньясы" газетасынынъ саифелеринде эйи ишлерни нешир этмек;
- "Вертуаль музей" сайтында бутюн конкурс ишлерини ерлештирмек;
- жюри сечип алгъан эйи иджадий ишлерни такъдим этмек;
- гъалиплерни Диплом ве къыйметли бахшышларнен такъдирлемек киби меселелерни козьде тута.
Конкурста иштирак этменинъ шартлары:
1. Конкурс эки басамакътан ибарет оладжакъ.
Биринджи басамакъта (гъыябен) иштирак этмек ичюн тешкилий комитетке эр сене март айынынъ 1-не къадар сымарыш анкетасы ве конкурс ишини ёлламакъ керек.
Экинджи басамакъта жюри огюнде конкурс ишлерининъ такъдим этильмеси козьде тутула. Бу хусуста къошма малюматлар илериде бериледжек. Экинджи басамакъта иштирак этеджек конкурс иштиракчилери резюме я да иштиракчининъ иджадий терджимеий-алыны (фотосыны) ёлламалыдыр..
2. Конкурснынь номинациялары
- Шеэр (коюмнинъ) тарихы
- Сандыкъ хазинеси
- Аилемнинъ фотоальбомны саифелегенде
Лейханы азырлавда программанынъ теминаты чешит шекильде ола биле: такъдим, видеоролик, сайт,- чешит программа васталарынен ишленмеси мумкюн.
Конкурснынъ мевзусы
Сизнинъ аиленъиз ичюн дегерли олгъан эр шей (фотосурет, мектюп, урба, турмуш эшьялары, ве иляхре). Къартана ве къарт деделеринъизнинъ несильден-несильге айтылып кельген йыр я да икяе ве риваетлери аиле дегерликлери олмакъ мумкюн. Конкурснынъ тешкилий комитети:
Конкурс ишлерини почта kozaydin.media@gmail.com
вастасынен тешкилий комитет адына я да "Балалар дюньясы" газетасына "Аиле дегерликлери" бельгисинен ёлламакъ керек.
Комментариев нет:
Отправить комментарий