Февзи Афизе

Сандыкъхазинеси

Рахметли къартанам Али уста

(Исмаилова) Гъафар къызы

Сафиеге багъышлайым.Севимли

къартанам! Эр яз койдешлер

топлашувына Сизнен бара 

эдик… Келеджекте де 

бараджакъмыз, Ай-Серезге

сизден селям ёллайджакъмыз.

Къырымнынъ эр бир кошеси дюльбер, амма юрегиме якъын олгъан ер – асырлар девамында эдждатларымыз яшагъан Сувдагъ больгесининъ Ай-Серез коюдир. 

«Вадиде кичкене, копюктен даима бем-беяз тюслю олып, озенчик акъа эди. Адамлар эвлерини таш устюнде къура, ашада, вадиде исе, берекетли топракъта багъ-багъчалар осьтюре эдилер. Шойле бир аджайип манзараны тасавур этинъ: эр ер таш, чакъыл, оларнынъ ортасында гуль киби койчик», - белли языджымыз Эмиль Амит "Учурымлы ёл" эсеринде Ай-Серезни бойле хатырлай эди.

Бу койде 1941 сенеси Гъафар Исмаил огълу ве Афизе Али уста къызы къорантасында къартанам, анамнынъ анасы, Исмаилова Сафие дюньягъа кельген. 

Къорантамызнынъ фотоальбомында чокъ эски фотосуретлер бар. Бу фотосуретте Сафие къартанам Афизе анасынен берабер. Бу - сюргюнликтен эвель япылгъан фото.

Инсаннынъ энъ къыйметли дегерлиги - аиледир! Эр бир аиленинъ де озь дегерликлери бар. Эр бир къырымтатар къоранталарындаки киби, бизлерде де сандыкъ хазинелеримиз бар. Булар - битамнынъ къартанасындан къалгъан шейлер.

Битамнынъ къартанасы Айше 1878 сенеси Ай-Серезде догъды. Битамнынъ анасы Афизе 1918 сенеси дюньягъа кельди. 

Дегерликлеримизден бири - бу эскиден къалгъан шалдыр. Шалнынъ тарихы XIX асырдан берли кунюмизге къадар яшап кельмекте. 1878 сенеде догъгъан Айше къартана озь Сафие торунына, яни меним къартанама шалны багъышлагъан эди. Хорлукъ ве зорлукъларыны башындан кечирген миллетимиз киби бу шал да чокъ къыйынлыкъларны чекип, Ватанына къайтып кельди. 

Шалдан гъайры, сандыгъымызда пек дюльбер килим бар. Бу - Афизе къартанамыз озь къолунен токъугъан килим. Анам оны сандыгъында тута, ишлетмей.

Мусульлман аилесининъ къыйметлеринден бири - къутсал китап Къуран -и Керимдир. Бу Къуран даа ХIХ асырнынъ башында язылгъан эди. О да Айше къартанадан къалгъан мирасы, аилемизде айры ер туткъан дегерликлеримизден биридир. 

 Ондан да гъайры эвимизде эски гугюм, дегирмен ве леген бар. Эльбетте, бу дегерликлерини къартанам ве анам киби, мен де сакълайджам , чюнки бу - миллетимизнинъ дегерликлери.