Салиева Ава-Шерфе Катюшаджы Февзи къартбабам

 «Аилемнинъ фотоальбомны саифелегенде»

Салиева Ава-Шерфе
Катюшаджы Февзи къартбабам

Дюньяда эр бир инсан озюнден сонъ хатыра къалдыра. Амма бу хатыра насыл оладжакъ ; къыскъа ве меракъсызмы я да узун ве аджайипми – тек бизге багълыдыр.

 Февзи къартбабам да омюри узун олмаса да аджайип кечирген. Юрткъа, халкъкъа хызмет этип, джесюр адам олгъан. 

   

  Зулейха битамнен субетлешкенимде – бу мен ичюн энъ азиз дакъикъалардыр, чюнки, заман ве кечмишини, къартбабамнынъ джесюрлиги акъкъында хатырлавларыны мен меракънен динълейим, бойле дакъкъаларны сабырсызлыкънен беклейим.

Февзи къартбабам Совет Ордусы сафларына 1940 сенеси Багъчасарай районы арбий Комиссарлыгъы тарафындан чагъырылды. Ленинград арбий округы къысымларынынъ биринде хызмет этерек,Улу Ватан  дженкининъ ильки чарпышмаларында иштирак эткен.

Февзи къартбабам 45- джи танк полкынынъ танкчысы  олгъан. О, Псков шеэри дживарында немсе танкларынынен расткелишкен. Олып кечкен къатты чарпышмаларда  къартбабам яралангъан. Госпитальде учь ай тедавийленип чыкъкъан сонъ, дженк инвалиди оларакъ арбий хызметтен  азат этильген. Лякин о, яраларыны яшырып, янъы тешкиль олунгъан 180-нджи окъчылар дивизиясына къошулгъан. Бу дивизия дерт  ай девамында Ладога челюнинъ мудафаасында  булунгъан. Къартбабам мында да агъыр  яралангъан.

Тедавийленген сонъ Сталинград шеэрини  къорчалайыджы 36 – нджы минаметчылар къысымына тюшкен. Башта айдавджы олгъан, сонъра онъа уйкен сержант унваны берильген, ве «катюша»джылар расчетынынъ командири олгъан.

1943 сенеси Курск кемеринде гъалебе къазангъан совет аскерлери сырасында Февзи къартбабам да бар экен. Сонъундан 36 – нджы гвардиялы миномет-полкынынъ эркянында булунгъан уйкен сержант Февзи къартбабамнъынъ «катюша» расчеты шанлы джебе елларындан кечкен. Олар Киев, Днепропетровск, Львов ве дигер шеэрлерни немсе къаршылагъан баскъынджыларындан азат этювде иштирак эткенлер. Польша, Чехословакия топракъларында душманны къувып. Гъалебе кунюне енъилльген Берлинде къаршылагъан .

Дженк биткен. Февзи къартбабам 1945 сенеси Совет Ордусындан къайтып, Андижангъа кельген. Шу куньден башлап Андижандаки «Геофизика» экспедициясында айдавджы олып чалышкъан.Сабыкъ дженкчи Февзи къартбабамнынъ кокюсини яраштыргъан арбий медаллерге бир сыра эмекте къазанылгъан медаллер де къошулгъан.

«Биз тувгъан эвимизге къайтырмыз ве Ватанымызгъа къавушырмыз»,- деп умют эткен эди Февзи  къартбабам, амма Ватанына къавушмакъ къысмет  этмеди.19 январь 2002сенеси бу дюньяны эбедий терк этти. Бугуньге къадар медаллер такългъан быджагъ битамнынъ одасында  фахрий ерде асылып тура.

Биз, бугуньки несиль векиллери, бахытлымыз, Ватанымыз Къырымда яшаймыз.

  Февзи къартбабам киби – джесюр, алидженап къараманларымыздан унер алып халкъымызгъа хызмет  этмелимиз, Ватанымыз огърунда джан – юректен чалышмалымыз.