Халилова Зарема
Эр бир инсаннынъ тувгъан ери бар. Бу онынъ догъгъан ери: кою
я да шеэри. Меним догъгъан ве яшагъан ерим – Къырымнынъ шималь тарафындаки Акъ-шейих районында ерлешкен Березовка кою.
О, кениш челлер ичинде ерлешкен. Язы къургъакъ, къышы исе боранлы ве къатты
аязлы. Еллер уфюрип башласа, козюнъе бир шей корюнмей. Амма мен оны эпи бир
севем, чюнки о, меним тувгъан коюм.
Коюмизнинъ этрафында челлерде скиф къабилелернинъ абиделери
бар. Амма коюмизнинъ тарихы, весикъалар боюнджа, та 1856 сенесинде анъыла. О,
Кезлев уездининъ Агъай болюгинде ерлешкен. Эвельки ады – Шейх-Эли кою олгъан.
Койде 39 къырымтатар къорантасы яшай экен. Койнинъ эки тарафында, яни чельде
эки къую олгъан.
20-инджи сенелери Къырымгъа советлер Украинадан чуфутларны
кочюрип башлайлар. Шейх-Эли коюне де 1925 сенеси Житомирден биринджи чуфутлар
кочип башлайлар . Кочип кельгенлер янъы эвлер къуралар
 |
| Кочип кельгенлер янъы эвлер къуралар |
1927 сенеси койде «Соцдорф» чуфут колхозы ве Смидовичи кою
тайин этиле. Койде исе янъы эвлер къурулып башлай. Мескен эвлерни тезек иле
къарыштырылгъан балчыкътан къуралар. Шейх-Эли кою, кенарда олса да, Смидовичке
къошула. Чуфутлар оны озюндже «Шийхель» деп адлайлар. Бу ад але бугуньгедже
къулланыла. Койнинъ кенарындаки мааллеге Шийхель дейлер .
 |
| Ханин – «Соцдорф» колхозынынъ биринджи реиси |
 |
| Биринджи кочюджи чуфут къорантасы- Нахменберглер |
Смидовичи коюнде энди 30-ыджы сенелеринде казан татарларнынъ
ярдымынен электрика ве радио кечирильген. 1927 сенеси койде хастахане къурула.
Баш эким исе – Пауль Натан олгъан.
Комментариев нет:
Отправить комментарий