Каримова Зарема Къуран

Каримова Зарема

Къуран

Бизим аилемизде чокъ йыллар девамында пек эски, къадимий десем оладжакъ, бир китап бар. О къолдан япылгъан китап меним битамны битамнынъ Къураны. Япракълары сараргъан, пармакъларнен чокъ тутулгъаны ичюн ипрангъан. Бу Къуран XIX асыргъа аит. Чокъ йыллар девамында бу Къуран къорантамызнынъ дегерлик эди. 

Къураннынъ кечюв тарихы: Айше битам – Гульсум битам – Лиля битам

Гульсум битамнынъ догъгъан эви

Гульсум битамнынъ догъгъан кою - Кок-козь

 Гульсум битам 1916 сенеси Къырымда Бахчисарай районында Кок-козь коюнде дюньяга келе. О, мектепте Къуранны окъумагъа огренди.

Битамны аилеси зенгин эди. Онъы Гъани бабасыны къорантанен берабер 1929 сенеде Марийский АССР сюргюнлик эдилер. 

Айше къартанамызнынъ бири-биринден кучюк секиз баласы олгъан. Сонъ он алты яшындаки Гульсумны анасы Къырымгъа акърабаларгъа ёллай.

О заман къызлар акъайгъа эрте чыкъа эдилер. 1933 сенеде Гульсум битам Къыркъ-Чолпан койге акъайгъа чыкъа. Акъайнынъ эвине кеткенде, онъа эвиндеки Къуранны берелер.

Къорантамызнынъ такъдири халкъымызнынъ такъдири киби фаджиалыдыр, чюнки олар да сюргюнликнинъ агъыр куньлерини башындан кечирдилер.

Дженк йыллары битамнынъ анасы Гульсум беш баламнен 18 майыс 1944 сенеси Озьбекистангъа сюргюн этиле. Озьбекистанда Бостанлык районына Таваксай коюнде келип тюшелер.

Беш баланен къалып, бутюн сюргюнлик къыйынлыкъларыны башындан кечире. Балаларынынъ джаныны къуртармакъ ичюн чокъ чалыша. Оларны козь бебеги киби сакълай эди.

1946 йыл сонъунда Гульсум битамны Абудурешид бабасы дженктен къайтып келе.

1955 с. меним Лиля битам догъулгъан.

Совет вакъытларында Къуран сатып алмасынынъ чареси ёкъ эди, онынъ ичюн аналар къызларгъа озь Къуранларыны бере эдилер.
Шимди о Къуран бизнинъ эвимизнинъ тёрюнде асылып тура. О Къуран бизни беля къазалардан асрай. Мен бильгениме коре бу Къуран пек чокъ шейлерни башындан кечирди, пек чокъ вакъиаларнынъ шааты олды.

 Айле дегерлиги – бу халкъымызнынъ айрылмаз бир къысымы. Бизим къорантамыз бойле бир дегерликни мукъайтлыкънен сакълагъаны ичюн мен гъурурланам.

____________________________________________________

презентацияны сейир этмек