Ресутов Селим Сандыкъ хазинеси

Ресутов Селим

Сандыкъ хазинеси

Меним къартанам бир озю.
Бакъты секиз оксюзю.
Ынджытмады, огретти,
Огют олду эр сёзю.
Къыйынлыгъа бакъмадан,
Бакъты оларны сабурнен.
Оларгъа ёл косьтерди
Озю татлы сёзюнен.
Балаларым окъусын деп,
Зенаатны арзулады.
Мектеплерден, ишлеринден
Чокъ урьметлер къазанды.
Сёзлерни келештирип
Чокъ бейитлер язды.
Сагъ олунъыз, къартаначыгъым,
Бахтлы омюр корюнъиз.

Муртаза Мумине, 1931 сенеси Къырымнынъ Алушта районынынъ Ускут коюнде дюньягъа кельди.

1944 сенеси бутюн къырымтатарларны сюргюнлик эттилер. Озьбекистангъа тюштилер. Анда яшайып, ачлыкъ, хорлукъ чектилер.

«Ускут Къырымнынъ энъ буюк, диндар койлерден биридир. Озенлерден темиз сувлар, багъчалары толу мейва, юксек дагълар, ем-ешиль къырлар ве яйлялар, бир тарафы Къара денъиз - бу меним коюм», - Мумине къартанам бизлерге озь догъгъан кой акъкъында айта.

1954 сенеси Мумине къартанам, Карабаш Рустем йигитнен яш къоранта къурдылар. Озьбекистанда Рустем деде оджалыкъ япты. Бир-бирининъ артындан балалары догъдылар.

 

1968 сенеси еди баланен Къырымгъа ел алдылар. Пек чокъ къыйын-лыкълар, зорлукълар чектилер.

Прописка олмакъ ичюн Рустем деде чокъ ерлерге мектюплер, аризалар яза эди. Красноперекопск районынынъ Ново-павловка коюнде прописка эттилер.

1970 сенеси оларнынъ секизинджи баласы огъланчыкъ олды, адыны да Ватан къойдылар.

1979 сенеси Рустем дедем хасталанып вефат олды. Къартанам ялынъыз къалып, балачыкъларны бакъып, аякъкъа турсатты.

Йыллар кечти… Балалары осюп чыкътылар, зенаатлар алдылар, къоранталар къордылар. Амма йыллар девамында, Мумине къартанам, догъгъан коюни унытып оламады.

Мытлакъа анда кочип, деген умютнен, арзусынен яшай эди. 1988 сенеси арзусы ерине кельди. Ускут коюне кочти. Шимди да севимли коюнде яшай.

Онынъ секиз баласындан, он еди торун ве он секиз торун балалары ана- топрагъымызда яшайлар.

Бу сенеде, январьнинъ он алтысында къартанамыз сексен еди яшыны толдурды. Биз онъа сагълыкъ ве узун омюр тилеймиз.

Меним фикиримдже несиль багъыны сакъламакъ ве тутмакъ керекмиз. Къартанам- шу инсандыр, бизим балабан ве достане къорантамызны топлагъан, озь севгисини ве сыджагъыны ашлагъан. Алла онъа сагълыкъ ве узун омюр берсин. Мен билем, биз даа чокъ-чокъ, мусафирчен эвине топланырыкъ.

__________________________________________________

презентацияны сейир этмек