Аллаев Али "Къыйметли мирас"

 

Аллаев Али

Къыйметли мирас

 

Эр бир къорантанынъ озь къыйметли шейлери бар. Олар несильден-несильге кечелер.

Бизде бу Асие битанынъ эски КЪУРАНЫДЫР.  О 19 асыргъа аит.

Бу Къуран битама анасындан къалды. Битамнынъ анасынынъ ады Сафуре эди. О 1928 сенеси гузель Къырымнынъ Чамлы Озенбаш коюнде догъды. Анасы Асие ве бабасы Ибраим тютюн тарлаларында чалыштылар. Къоранталарында беш бала бар эди.

 

Он алты яшындаки Сафурени Уркуста коюне Сулеймангъа акъайгъа бердилер.

Асие анасы, озю  КЪУРАННЫ окъуп, Сафуреге оны мирас оларакъ берди.

Дженк башлагъанда, Сулейман джебэге кетти, сонъ эсирге алынды ве концлагерьде къапатылды. Сюргюнликте Сафуре къорантасынен Озьбекистаннынъ Янгиюль шеэрине тюшти. Анасы Асие исе балаларынен Уралгъа кеттилер. Олар он беш йылдан сонъ бири-бирини таптылар. Дженк биткен сонъ Сулейман да озь къорантасыны тапты.

 

Гъурьбетте пек агъыр йыллар олды.

Сафуренинъ Озьбекистанда дёрт къызы догъды. Мында о токъумаджылыкъ комбинатында чалышты. Къуран – мукъаддес китаптыр, эр даим янында эди. Бу китапнынъ кучю буюктир, Сафуре буны биле эди, чюнки балалыкътан анасындан динний бильгилерни алды.

Сафуре къорантасынен 1989 сенеси Ватанымызгъа кочьти. Мында агъыр хасталыкътан 1996 сенеси вефат этти.

Аиле дегерликлерини сакъламакъ ве несильден несильге мирас оларакъ къалдырмакъ керекмиз.

Эдждатлар ана-бабадан къалгъан мирасны  сакъламакъталар.
Бу мирас бизлер ичюн аиле дегерлиги олып къала. Оны урьметнен анъмакъ керекмиз.

         АИЛЕ ДЕГЕРЛИКЛЕРИ-2021 ярышнынъ финалистлери