Арап Мадина "Эски Къырым шеэрнинъ тарихы"

Арап Мадина

Эски Къырым шеэрнинъ тарихы

Эски Къырымнынъ тарихы пек бай ве меракълы. Къырымнынъ биринджи меркези - Эски Къырым эди. Он учюнджи асырда Къырым Алтын Орду теркибине кирди. О заманда Эски Къырымнынъ ады Къырым ве Солхат эди. Шеэримизнинъ дикъкъаткъа ляйыкъ ерлери пек чокъ: олардан бири - Узбек Хан джамиси.

Хан Узбек отуз йыл девамында Атлын девирнинъ башы эди. Бутюн бу вакъыт татар укюмети фааль суретте инкишаф эте эди. Шеэрнинъ эалиси ичинде пек тез мусульман дини чокълашмагъа башлады. Онынъ ичюн Хан Узбек шеэрде джами къурмагъа эмир берди.

 

Ондан гъайры джами азбарында медресенинъ харабелери тура, о, мусульманларнынъ алий окъув юрту.

                Бу медресени 1330 сенеси бай къадын Инджибек-хатун тешкиль этти. Медресенинъ эсас макъсады - Къуран огретюв, ондан да гъайры медреседе арифметика, философия, тарих ве астрономия илимлери огрениле эди.

1287-1288 сенеси шеэримизде Бейбарс джамиси къурулды. Бу джамини къурмакъ ичюн Султан Бейбарс сермия айырды. Джамининъ диварлары мермер ташынен къаплангъан эди. Джамининъ буюк диварлары даа чокъ йыллар тураджакъ, амма языкъ ки, джамининъ минарети сакъланып къалмады.

 

Эски Къырымнынъ меракълы ве дюльбер тарихындан гъайры аджайип ве тылсымлы табиаты бар - ешиль дагълары, тазе авасы, темиз сувлары юрекни къувандыра.

                Эски Къырым - меним кучюк Ватаным. Мен озь топрагъымны пек севем.

                Мен эминим, эр бир инсаннынъ кучюк Ватаны олмакъ керек, чюнки Ватансыз инсан тамырсыз терекке бенъзей.

Ах, Къырымым, ах, Къырымым,

Ах, Къырымым, эр мевсиминъ

Ойле де бир гузельдир,

Эр чечегинъ, эр нефесинъ

Къальбиме бир дженнеттир.

Юнус Къандым

        АИЛЕ ДЕГЕРЛИКЛЕРИ-2021 ярышнынъ финалистлери