Семедляев Алим "Эки инсаннынъ тарихий баш язысы"

 

Семедляев Алим

Эки инсаннынъ тарихий баш язысы. 

Анамнынъ къартбабасынынъ ве битасынынъ омюр тарихындан.

 

Та бала олгъанда Эдае битасы ве Амет къартбабасы Албат коюнде догъып оськенлер. Меракълысы шу ки,олар къомшу бала экенлер. Эвлерининъ арасында эки балабан сельби тереклери осе экен. Эки къорантагъа къоралары янында бир къую эди. Албат коюнинъ чевре – чети багълыкъ экен.

                                                          Амет къарбабасынынъ аилеси де  бутюн омюр багъ-багъчалар асрап чалышкъанлар. Яшайышлары зенгин эди.

          Эдае битасынынъ яшайышы агъырджа кечкен.30-джы сенеси бабасына «кулак» деп сюргюн этелер. Анасыны колхоз ишинден чыкъарып , ёл бою арыкъларны темизлеттиргенлер. Эдае бита мектептен кельген сонь, тютюн япракъларыны джыя экен. Ойле этип кунь корьгенлер.  

           1944 сене Сюрень станциясындан сюргюн этильгенлер. Бу эки къомшу Алланынъ эмиринен бир ерге тюшелер. Аккурган районы , хлоп.17совхоз.                                                                                   

Сол тарафта Абдулмеинов Амет къартбаба

Севимли Абдураманова Эдае бита

           Бутюн балалыкъ чагъларында Эдае битаны ве Амет къартбабаны  келин - киев  деп, эриштирип юргенлер. Озьбекистанда бу эки яшнынъ тагъдирине буюк денъишмелер ола. 

           Бу эки яш эвленелер, къоранта къурып,  балалы – чагъалы олып бир татлы омюр кечирелер.  Омюр девамында - 5 бала ,  10 торун ве  12 торунча  корип 2020 сенеси 90 яшында Эдае бита кечинди. Амет  къартбаба  исе 2010 сенеси 80 яшында кечинди.

 

Топеде, солда Амет къартбаба, балачыкълар
 Амет къартбабанынъ къардашлары. Солда анасы ве сагъда дудусы

Тёпеде Эдае битанынъ Сеит-Сулейман къартбабасы. Фото 1935с.

Эдае битанынъ бабасы Абдураман. 1933с.

Тёпеде он тарафта Эдае бита. 1941с.

Он тарафта Эдае бита, 

ортада Эдае битанынъ Сафие анасы.1952 с.

       АИЛЕ ДЕГЕРЛИКЛЕРИ-2021 ярышнынъ финалистлери